युनिकोड
बाराको कलैया उपमहानगरपालिका–२३, भथौडामा होली खेल्ने क्रममा झडप हुँदा एक जनाको मृत्यु भएको छ।
जिल्ला प्रहरी कार्यालय बाराका हनुसार मृत्यु हुनेमा सोही स्थानका ६५ वर्षीया सञ्जा देवीको मृत्यु भएको छ भने अन्य ६ जना घाइते भएका छन्।
सोमबार होली खेल्ने क्रममा भएको झड्पमा सञ्जासहित ७ घाइते भएका थिए। गम्भीर घाइते भएकी सञ्जाको भवानी अस्पताल वीरगञ्जमा उपचारका क्रममा मृत्यु भएको प्रहरीले जनाएको छ।
घाइते अन्य ६ जनाको नेशनल मेडिकल कलेज वीरगन्जमा उपचार भइरहेको प्रहरीले जनाएको छ।
झडपमा संलग्न ५ जनालाई प्रहरीले पक्राउ गरेर अनुसन्धान गरिरहेको छ।
प्रहरीले झडपमा संलग्न सोही स्थानका २३ वर्षीय ओमप्रकाश गुप्तासहित ४ जना र प्रहरीमाथि हातपात गर्ने १ जना गरी ५ जनालाई नियन्त्रणमा लिएको हो।
प्रतिक्रिया