युनिकोड
पूर्व पश्चिम राजमार्ग अन्तर्गत कैलालीको घोडाघोडी नगरपालिका–५ डोकेबजारमा बस दुर्घटना हुँदा एक जनाको ज्यान गएको छ। २९ जना घाइते भएका छन्।
धनगढीबाट काठमाडौंका लागि छुटेको ना ६ ख ७४६१ नम्बरको खप्तड मालिका यातायातको बस आइतबार राति दुर्घटनामा परेको हो।
दुर्घटनामा गम्भीर घाइते एक जनालाई उपचारका लागि नेपालगञ्ज पठाइएको छ भने २७ जनाको स्थानीय घोडाघोडी अस्पतालमा उपचार भइरहेको प्रहरीले जनाएको छ।
मृतकको सनाखत हुन सकेको छैन।
तीव्र गतिमा रहेको बसले अर्को सवारी साधनलाई ओभरटेक गर्ने क्रममा अनियन्त्रित भई दुर्घटना भएको प्रहरीले जनाएको छ।
प्रतिक्रिया