थप ९४ जनामा कोरोना पुष्टि, ५५ जना निको भए

गएकाे २४ घण्टामा नेपालमा थप ९४ जनामा कोरोना भाइरस संक्रमण पुष्टि भएको छ। योसँगै कोरोना भाइरसबाट संक्रमितको संख्या दुई लाख ७५ हजार ५१८ पुगेको छ।

थप दुई हजार ७८१ जनाको पीसीआर परीक्षण गरिएको थियो। हालसम्म पीसीआर परीक्षण गराउनेको संख्या २२ लाख २४ हजार २९३ पुगेको छ। हाल ४९ जना क्वारेन्टिनमा रहेका छन्।

स्वास्थ्य तथा जनसंख्या मन्त्रालयका अनुसार हालसम्म दुई लाख ७१ हजार ५५० जना कोरोना भाइरसबाट मुक्त भई घर फर्किएका छन्। पछिल्लो २४ घण्टामा देशभर ५५ संक्रमित निको भएर घर फर्किएका छन्। हाल देशभर ९५४ सक्रिय संक्रमित रहेका छन्।

शून्य मृत्यु
नेपालमा कोरोना भाइरसको संक्रमणबाट पछिल्लो २४ घण्टामा कसैको पनि मृत्यु भएको छैन। हालसम्म कोरोना भाइरसको संक्रमणबाट तीन हजार १४ जनाको मृत्यु भएको मन्त्रालयले जनाएको छ। रासस