रकम नभएको खाताको चेक दिएर २१ लाख ठगी गर्ने पक्राउ

चेक अनादार मुद्दामा दोषी ठहर एक महिला पक्राउ परेकी छन्।

पक्राउ पर्नेमा झापाको भद्रपुर नगरपालिका–५ घर भइ हाल भक्तपुर सानोठिमि बस्ने ५१ वर्षीय नर्बदा उपाध्याय भण्डारी रहेकी छन्।

भण्डारीबिरुद्द काठमाडौं जिल्ला अदालतबाट गत २०७६साल माघ २४ गते २१ लाख रुपैयाँको चेक अनादर बिगो मुद्दामा २ वर्ष कैद सजाय फैसला भएकोमा उनी हालसम्म फरार थिइन्।

खोजतलासका क्रममा प्रहरीले मध्यपुर ठिमिबाट नियन्त्रणमा लिई आवश्यमक कारवाहीका लागि काठमाडौं जिल्ला अदालत पठाएइको जनाएको छ।