पुसमा नेपाली सेनाको सहयोगमा ८४ जनाको सर्प र बिच्छिदंश उपचार, कहाँ कति?

नेपाली सेनाको सहयोगमा विभिन्न जिल्लामा सञ्चालित सर्पदंश उपचार केन्द्रहरुमा गत पुस महिनामा ८४ जनाको उपचार गरिएको छ।

नेपाली सेनाका अनुसार सो अवधिमा सेनाको मध्यपश्चिम पृतना तथा त्यसअन्तर्गत पर्ने दाङमा १ जना, कपिलवस्तुमा २७ जना र पूर्वी नवलपरासीमा ४ जनाको सर्प तथा विच्छिदंशको उपचार गरिएको थियो।

त्यसैगरी, सुनसरीमा १४ जना, झापामा १४ जना र उदयपुरमा १ जनाको उपचार भएको नेपाली सेनाले जनाएको छ।

सोहि अवधिमा सुदूरपश्चिम पृतनामा पर्ने कैलालीमा १ जना र मध्यपूर्वी पृतना तथा त्यसअन्तर्गत पर्ने महोत्तरीमा ५, सर्लाहीमा ६, सप्तरीमा ३, सिराहामा ७ र धनुषा जिल्लामा १ जनाको उपचार गरिएको थियो।