युनिकोड
भक्तपुरमा सडक बत्ती मर्मत गर्न खटिएका एक व्यक्तिको करेन्ट लागेर ज्यान गएको छ।
भक्तपुर नगरपालिका–२, ब्यासी इतापामा दोलखा मेलुङ गाउँपालिका ५ घर भएका २३ वर्षीय राजकुमार बुढाथोकीको करेन्ट लागेर मंगलाबर दिउँसो मृत्यु भएको हो।
भक्तपुर नगरपालिकाको तर्फबाट सडकबत्ती निर्माण कार्यमा खटिएका बुढाथोकी बिजुलीको पोलमा चढी मर्मत गर्ने क्रममा करेन्ट लागेर गम्भीर घाइते भएका थिए।
उपचारको लागि भक्तपुर अस्पतालतर्फ लैजाने क्रममा उनको बाटोमै मृत्यु भएको प्रहरीले जनाएको छ।
करेन्ट लागेर घाइते भएका सिन्धुली कमलामाई नगरपालिका ११ घर भई हाल काठमाडौं बल्खु बस्ने २७ वर्षीय विक्रम मोक्तानको सोही अस्पतालमा उपचार भइरहेको छ।
प्रतिक्रिया