५ हजार २२५ पीसीआर परीक्षण गर्दा ४२६ मा कोरोना पुष्टि, ७४८ निको भए, ८ को मृत्यु

नेपालमा पछिल्लो २४ घण्टामा थप ४२६ जनामा कोरोना संक्रमण पुष्टि भएको छ।

शुक्रबार अपरान्ह स्वास्थ्य तथा जनसंख्या मन्त्रालयले दिएको जानकारी अनुसार देशभरमा १५३ जना महिला र २७३ जना पुरुष गरी ४२६ जनामा कोरोना पुष्टि भएको हो।

यो सँगै नेपालमा कोरोना संक्रमितको संख्या २ लाख ६१ हजार १९ पुगेको मन्त्रालयले जनाएको छ। त्यस्तै आज देशभरमा सक्रिय संक्रमितको संख्या ६ हजार ४८ रहेकाे छ।

 मन्त्रालयका अनुसार गत २४ घण्टामा ५ हजार २२५ पीसीआर परीक्षण भएको छ।

 त्यसैगरी २४ घण्टामा ७४८ जना कोरोना संक्रमित निको भएसँगै अहिलेसम्म निको हुनको संख्या २ लाख ५३ हजार १०७ पुगेको छ।

मन्त्रालयका अनुसार २४ घण्टामा ८ जना कोरोना संक्रमितको मृत्यु भएको छ। योसँगै नेपालमा कोरोनाबाट ज्यान गुमाउनेको संख्या १ हजार ८६४ पुगेको छ।