बोको हरामले भन्यो : ३ सय ३३ विद्यार्थीको अपहरण हामीले गरेका हौं

नाइजेरियाको लागोसमा शुक्रबार राति र आइतबार गरी बन्दुकधारीहरुले विद्यालयमा आक्रमण गरी त्यहाँका तीन सयभन्दा बढी विद्यार्थी अपहरण गरेका थिए।

उक्त अपहरणको घटनाको जिम्मा त्यहाँको आतंककारी समूह बोको हरामले लिएको छ।

त्यहाँका सुरक्षा अधिकारीहरुले दिएको जानकारीअनुसार बन्दुकधारीहरुले गरेको सो हमलामा परी ३ सय ३३ जना बालबालिका हराएका थिए। ती बालबालिकालाई तिनै आक्रमणकारीहरुले अपहरण गरी लगेको अनुमान गरिएको थियो।

बोको हराम नामक त्यहाँको आतंककारी संगठनले बुधबार ती बालबालिका आफूहरुले अपहरण गरी लगेको र अहिले पनि उनीहरु आफूसँगै रहेका बताएको छ।

नाइजेरियाको उत्तर पश्चिमी राज्य कातसिनाको एक प्राथमिक विद्यालयमा गएको शुक्रबार राति र आइतबार सो हमला भएको हो। त्यस हमलामा परेर ३ सय ३३ जना विद्यार्थी अपहरित भएका थिए।

बोकोहरामले पश्चिमी शिक्षा मुस्लिम धर्मविरुद्ध भएको र त्यस्ताे शिक्षालाई नाइजेरियामा निषेध गरिनुपर्ने भन्दै विद्यार्थीहरु अपहरण गरेको बताएको छ।