नयाँ बानेश्वरमा मोटरसाइकलले ठक्कर दिँदा वृद्धको मृत्यु

काठमाडौंको नयाँ बानेश्वरमा मोटरसाइकलको ठक्करबाट एक वृद्धको मृत्यु भएको छ।

प्रहरीका अनुसार  आइतबार बा. ६१ प ८४१० नम्बरको मोटरसाइकलले ठक्कर दिँदा आलोकनगर निवासी ७० वर्षीय लोकनाथ धितालको मृत्यु भएको हो।

राति पौने १० बजेतिर सडक पार गर्दैगर्दा उनलाई मोटरसाइकलले ठक्कर दिएकाे हाे। गम्भीर घाइते भएका धिताललाई सिभिल अस्पताल लगिएकामा उपचारका क्रममा उनकाे मृत्यु भएको प्रहरीले जनाएकाे छ। 

मोटरसाइकल चालकलाई प्रहरीले नियन्त्रणमा लिएकाे छ।