युनिकोड
वाचाअनुसार चीनले भ्याक्सिन वितरणका लागि विमानस्थलमा कोरोना भ्याक्सिन राख्ने प्रबन्ध मिलाउन थालेको छ।
सीएनएनका अनुसार सेनजेन अन्तर्राष्ट्रिय विमानस्थलको ३ हजार ७६७ स्क्वायर फिटको एउटा वेरहाउसमा कोरोना भ्याक्सिनहरु राख्ने प्रबन्ध मिलाइएको छ।
त्यहाँ कोरोना भ्याक्सिनलाई चाहिने तापक्रम मिलाउने प्रविधिको जडान गरिएको छ।
अब चीनका प्रभावकारी मानिएका खोपहरुले चाँडै अनुमति पाउने र ती खोपहरु आगामी महिनादेखि विश्वभरका देशमा कार्गो जेटमा लगिने जनाइएको छ।
हाल चीनका चार कम्पनीका पाँच कोरोना भ्याक्सिन अन्तिम चरणका परीक्षणमा छन्।
चाँडै नै त्यहाँको स्वास्थ नियामक संस्थाले अनुमति दिएपछि लाखौं डोज खोपहरु विश्वभरका देशमा वितरण गरिनेछ।
हाल चीनका खोपहरु १६ देशमा अन्तिम चरणका परीक्षणका क्रममा छन्। चिनियाँ खोप प्रभावकारी सावित भएको जानकारी दिइएको छ।
चीनले पहिल्यैदेखि आफ्नो प्राथमिकतामा गरिब र विकासोन्मुख राष्ट्रहरु भएको र सुरुवातमा त्यस्ता देशलाई कोरोनाको खोप प्रदान गर्ने बताइरहेको छ।
प्रतिक्रिया