कोरोना संक्रमणबाट रुपन्देहीमा ४१ वर्षीया महिलाको मृत्यु

रुपन्देहीको बुटवलस्थित धागो कारखानामा रहेको कोरोना विशेष अस्थायी अस्पतालमा उपचाररत थप एक जना संक्रमितको मृत्यु भएको छ।

बुटवल उपमहानगरपालिका ११ की ४१ वर्षीया महिलाको उपचारको क्रममा आज (मंगलबार) बिहान मृत्यु भएको हो।

सोमबार कोरोना संक्रमण पुष्टि भएर अस्पताल भर्ना भएकी उनलाई आईसीयू राखेर उपचार गरिएको थियो। उनका आज विहान ५ः १० बजे मृत्यु भएको अस्पतालका कोरोना फोकलपर्सन डा.सुदर्शन थापाले जानकारी दिए।

उनमा सुगरको समस्यासमेत रहेको थापाले बताए।