युनिकोड
काठमाडौंको सिनामंगलस्थित काठमाडौं मेडिकल कलेज (केएमसी) मा भर्ना भएका एक बिरामीले सोमबार बिहान हामफालेका छन्।
गाैशाला प्रहरीका अनुसार सोलुखुम्बुको जुगु गाउँपालिका घर भई बानेश्वरमा बस्ने गरेका २६ वर्षीय रोशन खड्काले सोमबार बिहान ८:४५ बजे अस्पतालकाे तेस्राे तलाबाट हामफालेका हुन्।
गम्भीर अवस्थामा फेला परेका उनकाे उपचारका क्रममा मृत्यु भएकाे छ।
प्रहरीका अनुसार उनको मानसिक सन्तुलन ठिक थिएन। उनी आइतबार साँझ अस्पताल भर्ना भएका थिए।
गौशालास्थित महानगरीय प्रहरी वृत्तका अनुसार आगोले हातखुट्टा पोलेपछि उनलाई उपचारका लागि केएमसी ल्याइएको थियो।
कुरुवा बसेकी आमा औषधि किन्न गएका बेला उनी अस्पतालको झ्यालबाट हामफालेको प्रहरीले जनाएको छ।
प्रतिक्रिया