आफ्नै घरको छतबाट लडेर यातायात व्यवसायीको मृत्यु

कञ्चनपुरको भीमदत्त नगरपालिका–२ का यातायात व्यवसायी केशवदत्त जोशीको मृत्यु भएको छ।

जिल्ला प्रहरी कार्यालयले ३५ वर्षीय व्यवसायी जोशीको आफ्नै घरको दुईतले छतबाट लडेर मृत्यु भएको जनाएको छ।

‘मंगलबार राति छतबाट लडेर गम्भीर घाइते भएका जोशीको धनगढीस्थित माया मेट्रो अस्पतालमा उपचारका क्रममा मृत्यु भयो’, जिल्ला प्रहरी कार्यालयका प्रवक्ता थापाले भने, ‘उहाँको महाकाली अस्पतालमा उपचार सम्भव नभएपछि धनगढी सिफारिस गरिएको थियो।’

जोशी तत्कालीन पवनदूत यातायात समितिका उपाध्यक्षसमेत थिए। रासस