बाराको कलैया उपमहानगरपालिका–४ स्थित बिगन महतोको घरबाट चोरी भएको बा ७६ प १६९४ नम्बरको मोटरसाइकल सहित सिम्रौनगढ नगरपालिका–९ स्थित अडुवा खोलाको पुलबाट २ जनालाई प्रहरीले पक्राउ गरेको छ।
पक्राउ पर्नेहरुमा कलैया उपमहानगरपालिका–३ बस्ने १९ वर्षीय सरफराज मियाँ र सोही ठाउँ बस्ने २२ वर्षीय जफिर आलम रहेका छन्।
बारा देवताल गाउँपालिका–३ बस्ने राजु कुमार कुशवाहाको उक्त मोटरसाइकल र मोबाइल समेत चोरी भएको भन्ने खबर प्राप्त हुनासाथ ईलाका प्रहरी कार्यालय सिम्रौनगढ बाराबाट खटिएको प्रहरीले उनीहरुले चोरी गरेको मालसामान तथा ४ थान मोबाइल लिई सोही मोटरसाइकलमा भागिरहेको अवस्थामा फेला पारी पक्राउ गरेको हो।
उनीहरु उपर चोरी मुद्दामा थप अनुसन्धान भइरहेको जिल्ला प्रहरी कार्यालय बाराले जनाएको छ।
3
Shares
प्रतिक्रिया