युनिकोड
बाँकेमा एक माैलानाले झारफुकको बहानामा आफू बस्ने गरेकाे मजारमै बाेलाएर दुई युवतीलाई बलात्कार गरेका छन्।
पीडितकाे उजुरीका आधारमा जिल्लाको डुडुवा गाउँपालिका-५ कम्मरजँहास्थित बाबाकुटीका माैलाना ४० वर्षीय नजिर महमदलाई पक्राउ गरिएको बाँके जिल्ला प्रहरी प्रमुख, एसपी ओमबहादुर रानाले जानकारी दिए।
उनले स्थानीय २८ र ३० वर्षीया दुई महिलालाई झारफुक गर्ने बहानामा बुधबार मजारमै बोलाई जबर्जजस्ती करणी गरेको अभियोग लागेको छ।
बाँके जिल्ला प्रहरी कार्यालयका प्रवक्ता, डीएसपी सुवास खड्काका अनुसार घटना भदौ १० गते (बुधबार) राति १२ बजे भएको हो।
‘हामीलाई चाहिँ उजुरी भदौ ११ गते (बिहीबार) आएको हो,’ डीएसपी खड्काले शनिबार बिहान नेपालखबरसँग भने, ‘त्यही दिन उसलाई हामीले पक्राउ गरेका हौं।’
एसपी रानाका अनुसार उनीविरुद्ध बलात्कार मुद्दा दर्ता गरेर घटनाबारे थप अनुसन्धान भइरहेकाे छ।
डीएसपी खड्काका अनुसार पीडित दुवै युवती तथा आराेपित पुरुष पनि विवाहित हुन्।
-यसअघि आवधानीवस् पुजारी र मन्दिर शब्द पर्न गएकोमा सच्याइएको छ। -सं.
प्रतिक्रिया