युनिकोड
पूर्वी नवलपरासी जिल्लाको गैँडाकोट नगरपालिका–२ बाट नारायणी नदीमा हाम फालेका एक बृद्धको सशस्त्र प्रहरीले सकुशल उद्धार गरेको छ।
नवलपरासी पूर्वको देवचुली नगरपालिका–११ धारापानी बस्ने ६२ वर्षिय झनक प्रसाद पौडेलको उद्धार गरिएको हो।
उनले नदीमा फाल हानेलगत्तै सशस्त्र प्रहरी बल नेपाल नम्बर ३१ गुल्म पूर्वी नवलपरासीबाट खटिएको टोलीले पाैडेललाई मोटर बोटको सहयोगमा सकुशल उद्धार गरेको हो।
उद्धार पश्चात उनलाई उपचारको लागि चितवन अस्पतालतर्फ पठाएको छ। उनको अवस्था भने सामान्य रहेको प्रहरीले जनाएको छ। उनले नदीमा फाल हान्नुको कारण भने खुलेको छैन।
सोही गाउँपालिका–१ लिस्ती बस्ने २३ बर्षिय संजिव बिकलाई नदीले बगाएको भन्ने खबर पाउनासाथ सशस्त्र प्रहरी बल नेपाल बोडर आउट पोष्ट तातोपानीबाट खटिएको टोलीले उनलाई नदीको बिच भागमा रहेको ढुङ्गामा अड्कीएको अवस्थामा उद्धार गरेको हो।
उद्धार पश्चात उनलाई उपचारको लागी धुलिखेल अस्पताल पठाइएको सशस्त्र प्रहरीका सहप्रवक्ता डीएसपी शैलेन्द्र थापाले जानकारी दिए।
प्रतिक्रिया