युनिकोड
गण्डकी प्रदेशमा थप ८ जनामा कोरोना संक्रमण पुष्टि भएको छ।
सोमबार बिहान ८.३५ बजे गण्डकी स्वास्थ्य निर्देशनालयले दिएको जानकारी अनुसार | क्षयरोग उपचार केन्द्र, पोखरा गरिएको परीक्षणमा थप ८ जनामा कोरोना संक्रमण पुष्टि भएको हो।
पछिल्लो समय थपिएका ८ जना व्यक्ति कन्ट्याक्ट ट्रेसिङमार्फत पहिचान भएको निर्देशनालयले जनाएको छ।
पछिल्लोपटक थपिएका संक्रमितमध्ये स्याङ्जाको पुतलीबजार नगरपालिकाका १ जना र तनहुँको ब्यास नगरपालिकाका १ जना गरी २ जना नेपाली सेनामा कार्यरत रहेका छन् भने म्याग्दीको बेनी नगरपालिकाका अर्का एक जना नेपाल प्रहरीमा कार्यरत छन्।
योसँगै गण्डकी प्रदेशमा कोरोना संक्रमितको संख्या १ हजार ८८८ पुगेको छ भने निको हुनेको संख्या १ हजार ६१२ रहेको निर्देशनालयले जनाएको छ।
प्रतिक्रिया