प्रदेश नम्बर ५ मा ५८ जना नयाँ कोरोना संक्रमित थपिएका छन्।
सामाजिक विकास मन्त्रालयका सूचना अधिकारी डा.पुष्पराज पौडेलका अनुसार कपिलवस्तुमा २४, बाँकेमा १९, बर्दियामा ५, दाङ र रुपन्देहीमा चार-चार तथा गुल्मी र पाल्पाका एक-एक जनामा कोरोना पुष्टि भएको हो। नयाँ संक्रमितमध्ये ४७ जना पुरुष र ११ जना महिला छन्।
थपिएका संक्रमितसँगै प्रदेशमा अहिलेसम्म ५ हजार ३ सय ४६ जनामा कोरोना भाइरस पुष्टि भएको छ। संक्रमितमध्ये ४ हजार २९६ जना उपचारपछि निको भएका छन्। १ हजार ३१ जनाको विभिन्न अस्पतालमा उपचार भइरहेको डा.पौडेलले जानकारी दिए।
यस्तै, प्रदेशमा अहिलेसम्म १७ जनाको मृत्यु भएको छ।
प्रतिक्रिया