युनिकोड
लामा भाषामा लिखित पुरानो बुद्ध धर्मग्रन्थ खरिद बिक्री गर्ने तयारीमा रहेका ६ जनालाई प्रहरीले पक्राउ गरेको छ।
पक्राउ पर्नेमा खोटाङको दिक्तेल रुपाकोट मझुवागढी ४ का ३२ वर्षीय गेहेन्द्र सिंह आत्रय, काभ्रेको पाँचखाल नगरपालिका ३ का ४२ वर्षीय जनक गिरी, ओखलढुंगा मानेभन्ज्याङ
गाउँपालिका १ का ३१ वर्षीय सुबासकुमार बस्नेत र ओखलढुंगा सुनकोशी गाउँपालिका २ का ३३ वर्षीय हरीबहादुर लामिछाने रहेका छन्।
यस्तै काठमाडौँको तारकेश्वर नगरपालिका ११ का ६४ वर्षीय राजेन्द्रबहादुर जोशी र नुवाकोटको ककनी गाउँपालिका ८ का ३४ वर्षीय रोशन तामाङ रहेका छन् ।
काठमाडौंको चन्द्रागिरी नगरपालिका १५ ढुंगे अड्डामा धर्मग्रन्थ बिक्रिको तयारी भइरहेको सूचनाका आधारमा प्रहरी पुगेको थियो।
सो ग्रन्थलाई उनीहरुले पाँच करोड रुपैयाँ मूल्य तोकेर कारोबार गर्न लागेको काठमाडौं प्रहरी परिसरका प्रवक्ता डीएसपी राजकुमार केसीले बताए।
पक्राउ परेकाको साथबाट सुनौलो अक्षरले लेखिएको बुद्ध धर्मको ग्रन्थ १६ पाना प्रहरीले बरामद गरेको छ।
महानगरीय प्रहरी वृत्त थानकोट र महानगरीय अपराध महाशाखाको संयुक्त टोलिले मोलमोलाई गरिरहेको अवस्थामा उनीहरुलाई पक्राउ गरेको हो।
प्रतिक्रिया