कपिलवस्तुमा छुट्टाछुटै स्थानमा दुई शव फेला परेका छन्।
जिल्लाको वाणगंगा नगरपालिका वडा नं ८ गण्डौलीका ३७ वर्षीय भूमिराज भुसालको शनिबार शव फेला परेको जिल्ला प्रहरी कार्यालयका प्रहरी नायब उपरीक्षक सुनिल मल्लले बताए।
अत्यधिक मदिरा सेवन र छारे रोगका कारण उनको ज्यान गएकोे जनाइएको छ।
त्यस्तै बुद्धभूमि नगरपालिका–९ बरकुलपुर जंगलमा एक महिलाको शव फेला परेको छ। सो शव एक हप्ताअघि हराएकी ५५ वर्षीया पवित्रा थापाको रहेको र सोही स्थानमा विषादी पनि फेला परेको जिल्ला प्रहरी कार्यालयले जनाएको छ।
श्रीमान् १८ वर्षदेखि बेपत्ता भएपछि उनी मानसिक रोगकी शिकार भएको प्रहरीले जनाएको छ। रासस
प्रतिक्रिया