‘सोमबारदेखि देशका सबै नदी सामान्य हुने, विस्थापितहरू फर्कन सक्ने’

वर्षाको मात्रा घटेसँगै देशभरका खोला नदीको बहाव पनि कम हुँदै गएको बाढी पूर्वानुमान महाशाखाले जनाएको छ।

तर आज (आइतबार) थप वर्षा हुने हुँदा प्रदेश १, २ र ३ को चुरेबाट बहने ससाना नदी खोलाहरूमा भने आकस्मिक बाढी आउन सक्ने महाशाखाले जनाएको छ।

प्रमुख तथा मझौला नदीका जलसतह भने सतर्कता तहभन्दा तलै रहने महाशाखाले आइतबार जारी गरेको सूचना उल्लेख छ।

उसले भनेको छ- भोलि (सोमबार)बाट देशैभरका नदीमा अवस्था सामान्यीकरण हुने देखिएकाले विस्थापित समुदाय आआफ्नो टोल-समुदायमा फर्कन सक्नुहुने।’