सिंहदरबारको पूर्वतर्फको पर्खाल भत्कियो, एक घाइते

लगातारको वर्षाले सिंहदरबारको पूर्वी गेट अगाडिको पर्खाल भत्किएको छ।

शुक्रबार बिहान सो पर्खाल भत्किएको हो। पर्खाल ढल्दा एक जना घाइते बनेको महानगरीय प्रहरी वृत्त सिंहदरबारले जनाएको छ। घाइतेको अवस्था सामान्य रहेको छ।

पर्खाल भत्एिकपछि अहिले सो क्षेत्रमा सावारी आवागमनमा अवरोध भएको छ।

अहिले पर्खाल ढलेपछि थुप्रिएको इँटा, माटो पन्छाउने काम भइहरहेको महानगरीय प्रहरी वृत्त सिंहदरबारले जनाएको छ।

तीनदिनदेखि निरन्तर रुपमा परेको वर्षाले देशैभरको जनजीवन प्रभावित बनेको छ। कतिपय ठाउँमा बाढी र पहिरोको सम्भावना रहेको भन्दै सर्वसाधरणमा सतर्क रहन मौसम पूर्वानुमान महाशाखाले अनुरोध गरेको छ।