युनिकोड
आज (सोमबार) काठमाडौँ उपत्यकामा वर्षाको सम्भावना कम देखिएको मौसम पूर्वानुमान महाशाखाका मौसमविद्ले बताएका छन्।
मौसम महाशाखाका मौसमविद् डेभिड ढकालका अनुसार अपराह्न वा साँझपख काठमाडौँ उपत्यकामा हल्का वर्षा हुने सम्भावना देखिएको हो।
‘अहिले बिहान काठमाडौँ उपत्यकाको आकाशमा थोरै मात्र बादल लागेको छ, दिउँसो अलि बढ्ने र अपराह्न वा साँझपख हल्का वर्षा हुने सम्भावना देखिएको छ’, उनले नेपालखबरसँग भने, ‘तर पानी पर्ने सम्भावना अलि कम नै देखिएको छ।’
मौसमविद् ढकालका अनुसार आज दिनभर काठमाडौँ उपत्यकाको मौसम घाम-बादल, घाम-बादल हुने सम्भावना छ।
देशभरको मौसमबारे भने मौसम महाशाखाले अहिले बिहान ८ बजे प्रक्षेपण जारी गर्नेछ।
प्रतिक्रिया