युनिकोड
कपिलवस्तुमा थप ३ जनालाई पुष्टि भएसँगै शनिबार(आज) बिहान मात्रै नेपालमा ९ जना कोरोना संक्रमित भेटिएका छन्।
स्वास्थ्य तथा जनसंख्या मन्त्रालयका अनुसार शनिबार कपिलवस्तुको शिवराज नगरपालिका चन्द्रौटाका २५, ३४ र ४४ वर्षका पुरुषमा संक्रमण भेटिएको हो।
योसँगै नेपालमा संक्रमितको संख्या २७६ पुगेको छ।
यसअघि शनिबार बिहानै विभिन्न ५ जिल्लाका ६ जनामा कोरोना पुष्टि भएको थियो।
ती संक्रमित पर्सा, वीरगञ्ज-१२ का २८ र २९ वर्षीय पुरुष, बर्दिया नार्खु-११ का २८ वर्षीय महिला, सिरहा सखुवा-१९ का ३० वर्षीय पुरुष, सर्लाही रामनगर-४ का १८ वर्षीय महिला र चितवन गढौंली-१ का २५ वर्षीय महिला छन्।
उनीहरुको अवस्था सामान्य रहेको र चिकित्सकको निगरानीमा रहेको स्वास्थ्य तथा जनसंख्या मन्त्रालयका सहप्रवक्ता डा. समीरकुमार अधिकारीले जनाए।
प्रतिक्रिया