अवैध ढंगले नदीजन्य पदार्थ ओसारिरहेका २ टिपर र १ जेसीभी प्रहरीको नियन्त्रणमा

अवैध ढंगले नदीजन्य पदार्थ ओसार पसार गरिरहेका तीनवटा सवारी साधनलाई प्रहरीले तनहुँबाट नियन्त्रणमा लिएको छ। 

गएराति तनहुँको बन्दिपुर गाउँपालिका-६ बगरखोलाबाट ती सवारी साधनलाई नियन्त्रणमा लिइएको प्रहरीले जनाएको छ। 

अवैध रुपमा गिट्टी लोड गरि लैजाँदै गरेको अवस्थामा इलाका प्रहरी कार्यालय सारङघाटबाट खटिएको प्रहरी टोलीले एउटा जेसीभी र दुईवटा टिपर नियन्त्रणमा लिएको हो। 

लु.१ क ३२४१ नम्बरको जेसीबी, ग.१ क ५४४२ र ग.१ ख ७४३६ नम्बरको टिपर नियन्त्रणमा लिएर बन्दिपुर गाउँपालिकामा बुझाइएको प्रहरीले जनाएको छ।