युनिकोड
विभिन्न स्थानमा भएका सवारी दुर्घटनामा तीन जनाको मृत्यु भएको छ।
कपिलवस्तुको कपिलवस्तुमा दुई मोटरसाइकल ठोकिँदा एक युवकको मृत्यु भएको प्रहरीले जनाएको छ।
कपिलवस्तु नगरपालिका-४ स्थित सडकमा लु.२५ प ५७५९ नम्बरको मोटरसाइकल र लु.३३ प ६७८६ नम्बरको मोटरसाइकल आपसमा ठोकिँदा १८ वर्षीय युवकको मृत्यु भएको हो।
मृत्यु हुनेमा लु.३३ प ६७८६ नम्बरको मोटरसाइकल चालक कपिलवस्तु नगरपालिका-४ पिपरी बस्ने १८ वर्षीय सोनु कोरी छन्।
दुर्घटनामा गम्भीर घाइते भएका उनको जिल्ला अस्पताल तौलिहवामा उपचारको क्रममा मृत्यु भएको हो।
दुर्घटनामा गम्भीर घाइते भएका लु.३३ प ६७८६ नम्बरको मोटरसाइकलमा सवार १ जनाको सीटी अस्पताल भैरहवा र लु.२५ प ५७५९ नम्बरको मोटरसाइकल चालकको मेडिकल कलेज भैरहवामा उपचार भइरहेको प्रहरीले जनाएको छ।
त्यसैगरि धनुषाको मिथिला नगरपालिका-१० लालगढमा टिपरले मोटरसाइकललाई ठककर दिँदा २७ वर्षीय युवकको मृत्यु भएको छ।
जिल्ला प्रहरी कार्यालय धनुषाका अनुसार प्रदेश २-०२-००१ ख ३३९९ नम्बरको टिपरले मधेश प्रदेश ०२-००८ प ०४६४ नम्बरको मोटरसाइकललाई ठक्कर दिँदा मोटरसाइकल चालक युवकको मृत्यु भएको हो।
मृत्यु हुनेमा धनुषाकै गणेशमान चारनाथ नगरपालिका-४ बिरेन्द्रबजार बस्ने २७ वर्षीय अजय बिश्वकर्मा छन्।
दुर्घटनामा गम्भीर घाइते भएका उनको मोडल अस्पताल लालगढ धनुषामा उपचारको क्रममा मृत्यु भएको प्रहरीले जनाएको छ।
दुर्घटनामा घाइते भएका मोटरसाइकलमा सवार अर्का १ जनाको सोही अस्पतालमा उपचार भइरहेको छ। टिपर चालकलाई प्रहरीले नियन्त्रणमा लिएको छ।
त्यसैगरि मकवानपुरको हेटौँडामा राेकिएको ट्रकको पछाडि मोटरसाइकल ठोकिँदा एक युवकको मृत्यु भएको छ।
हेटौँडा उपमहानगरपालिका-५ पिप्लेस्थित सडकमा रोकी राखेको ना-५ ख १८६१ नम्बरको ट्रकमा ना-२९ प ७०७२ नम्बरको मोटरसाइकल ठोकिँदा युवकको मृत्यु भएको हो।
मृत्यु हुनेमा मोटरसाइकल चालक हेटौँडा उपमहानगरपालिका-५ ढुङ्गेधारा बस्ने ३६ वर्षीय सुवास थिङ छन्।
दुर्घटनामा गम्भीर घाइते भएका उनको हेटौँडा अस्पतालमा उपचारको क्रममा मृत्यु भएको हो। ट्रक चालकलाई प्रहरीले नियन्त्रणमा लिएको छ ।
प्रतिक्रिया