लकडाउन खुकुलो हुँदै गएपछि जर्मनीमा चर्चहरु खुल्न थाले

जसका कारण जर्मनीले त्यहाँ लागू गरेको लकडाउन खुकुलो बनाउँदै गएको छ।

हालसम्म जर्मनीमा एक लाख ६४ हजार ९६७ जनामा कोरोना भाइरस संक्रमणको पुष्टि भएको छ। तीमध्ये ६ हजार ८१२ को मृत्यु भइसकेको छ भने एक लाख ३० हजार ६ सय उपचारपछि स्वस्थ बनेका छन्।

हालैका दिनमा कोरोनाको असर कम हुन थालेपछि जर्मनी सामान्य अवस्थामा फर्कदैछ। यसबीचमा जर्मनीमा चर्चहरु खुल्न थालेका छन्।

तर चर्चले सरकारले भनेको नियम पालना गर्नुपर्नेछ। चर्चमा उपस्थित मानिसहरुले २ मिटरको दुरी कायम गर्नुपर्नेछ भने उनीहरुले गीत गाउन पाउने छैनन्। चर्चमा जानेले मास्क लगाउनु पर्नेछ।

यसअघि पसलहरु खुलाइएको थियो। चर्च, मस्जिदजस्ता धार्मिकस्थलहरु पनि खोल्न पाउनुपर्ने माग बढेपछि हाल चर्च तथा मस्जिदहरु खोल्न अनुमति दिइएको हो। एजेन्सी