एक दिनमा मात्र एक नयाँ कोरोना संक्रमित थपिँदा चीनमा गएको चार दिनयता कसैको पनि मृत्यु नभएको चीनको राष्ट्रिय स्वास्थ्य आयोगले जनाएको छ।
कोरोना भाइरसको उद्गमस्थल चीनमा यतिबेला कोरोनाको प्रभाव नियन्त्रणमा आइसकेको छ। कोरोना पहिलोपटक देखिएको चीनको वुहान गत अप्रिल ८ देखि नै सामान्य अवस्थामा फर्किसकेको छ।
यतिबेला चीनका पर्यटकीयस्थल तथा बजार, उद्योग कारखानाहरु संचालनमा आइसकेका छन्।
हालसम्म चीनमा ८२ हजार ८७५ जनामा कोरोना संक्रमणको पुष्टि भएको छ। जसमध्ये ४ हजार ६३३ को मृत्यु हुँदा ७७ हजार ६८५ उपचारपछि स्वस्थ बनेका छन्।
यतिबेला चीनमा ५५७ जना कोरोना संक्रमितको उपचार भइरहेको छ। सीएनएन
प्रतिक्रिया