नवलपरासीमा बसको ठक्करबाट वृद्धाको मृत्यु

नवलपरासी पश्चिममा बसको ठक्करबाट वृद्धाको मृत्यु भएको छ।

जिल्लाको प्रतापपुर गाउँपालिका ५ भैरमपुरस्थित सडकमा सोमबार राति लु १ ख ७०१९ नम्बरको बसको ठक्करबाट सोही ठाउँ बस्ने ६० वर्षीया सुमित्रा चमारको मृत्यु भएको हो।

बसको ठक्करबाट गम्भीर घाइते भएकी उनको देवदह मेडिकल कलेज भलुही रूपन्देहीमा उपचारका क्रममा मृत्यु भएको प्रहरीले जानकारी दिएको छ। 

प्रहरीले बस चालकलाई नियन्त्रणमा लिएर अनुसन्धान अगाडि बढाएको छ।