आज यस्तो रहनेछ मौसम

हाल देशभर कुनै उल्लेखनीय मौसम प्रणालीको प्रभाव नरहेको मौसम पूर्वानुमान महाशाखाले जनाएको छ।

महाशाखाले आज शनिबार बिहान ८ बजे जारी गरेको बुलेटिनअनुसार अहिले तराई तथा उपत्यकाका थोरै स्थानमा हुस्सु/कुहिरो लागेको छ भने बाँकी स्थानमा मौसम मुख्यतया सफा छ।

मौसम महाशाखाको प्रक्षेपणअनुसार आज दिउँसो कोसी प्रदेश र मधेस प्रदेशमा आंशिक बदली रही बाँकी भूभागमा मौसम मुख्यतया सफा रहने छ।

यस्तै आज राति कोसी प्रदेश, मधेस प्रदेश, बागमती प्रदेश, गण्डकी प्रदेश र लुम्बिनी प्रदेशमा आंशिक बदली रही बाँकी भूभागमा मौसम मुख्यतया सफा रहनेछ।