आज कस्तो छ देशभरको मौसम?

आज देशभर मौसम सफा रहने जल तथा मौसम विज्ञान विभागले जनाएको छ।

विभागको मौसम पूर्वानुमान महाशाखाका अनुसार, हाल देशभर कुनै उल्लेखनीय मौसम प्रणालीको प्रभाव रहेको छैन। जसले गर्दा केही प्रदेशका पहाडी भागमा छिटफुट वर्षा बाहेक देशभर मौसम सफा रहनेछ।

आज कोशी, बागमती र गण्डकी प्रदेशका पहाडी तथा हिमाली भूभागमा आंशिक बदली रहने महाशाखाको अनुमान छ। अन्य प्रदेशमा भने आज दिनभर मौसम सफा रहनेछ। 

आज राति कोशी र र गण्डकी प्रदेशका पहाडी भूभागमा आंशिक बदली रहने महाशाखाले जनाएको छ। देशका अन्य भूभागमा भने आज राति पनि मौसम सफा रहने महाशाखाको आकलन छ।