चितवनको नारायणगढस्थित प्रभु बैंकमा आगलागी

चितवनको नारायणगढस्थित प्रभु बैंकको शाखा कार्यालय आगलागी भएको छ।

विद्युत चुहावट भई आगलागी भएको वडा प्रहरी कार्यालय नारायणगढका प्रहरी निरीक्षक रवीनबाबु रेग्मी बताए।

प्रहरी निरीक्षक रेग्मीका अनुसार स्थानीयवासी, नेपाल प्रहरी, सशस्त्र प्रहरी, नेपाली सेना र दमकलको सक्रियतामा आगो नियन्त्रणमा लिइएको छ।

बिहान ११ः २० बजे लागेको आगो ११ः४५ बजे नियन्त्रणमा लिइएको हो। क्षतिको विवरण आउन बाँकी रहेको उनले जानकारी दिए। रासस