युनिकोड
हेटौंडामा र्यापिड डायग्नस्टिक टेस्ट (आरडीटी) गर्दा नतिजा पोजिटिभ (एन्टिबडी) देखिएका चारजनाको पीसीआर रिपोर्ट भने नेगेटिभ (कोरोना भाइरस नभएको) आएको छ।
उनीहरूको नमुना (स्वाब) पीसीआर विधिबाट परीक्षण गर्दा नतिजा नेगेटिभ आएको हेटौंडा–१० स्थित कोरोना परीक्षण प्रयोगशालाले जनाएको छ।
शुक्रबार बिहान रिपोर्ट नेगेटिभ आएको बागमती प्रदेश सामाजिक विकास मन्त्रालयले जानकारी दिएको हो।
भारत गएर फर्किएका हेटौंडा-२ का ६७ वर्षीय वृद्ध, भारतकै बैंग्रबाट फर्किएका हेटौंडा-५ का २४ वर्षीय युवक, साउदी अरबबाट फर्किएका ३२ वर्षीय युवक र भारत बिहार घर भई हाल हेटौंडा-४ आफन्तकहाँ आएकी ५५ वर्षीय महिलाको आरडीटी रिपोर्ट पोजिटिभ आएको थियाे।
त्यसपछि उनीहरूको स्वाब पीसीआर विधिबाट परीक्षण गर्दा नतिजा नेगेटिभ आएको हाे।
याे पनि:
कोरोना परीक्षणः हेटौंडामा देखियो विदेशबाट आएका चार जनामा एन्टिबडी पोजिटिभ
सरकारलाई प्रश्नः कोरोना निर्क्याेल गर्न अन्ततः पीसीआर नै गर्नुपर्छ भने र्यापिड टेस्ट किन?
प्रतिक्रिया