युनिकोड
सिन्धुलीको गोलान्जोर गाउँपालिका ६ बागेश्वरका १६ जनाको हायु परिवार कास्कीको पोखरा महानगरपालिकास्थित गगनगौँडामा फेला परेको छ।
जिल्ला प्रहरी कार्यालय कास्कीका प्रमुख एसपी श्यामबाबु ओलियाले उनीहरु गगन गौँडामा रहेको जानकारी आएको बताए।
शनिबार राति पोखराकै होटल जननीमा बसेका उनीहरु आइतबार बिहानै होटलबाट हिँडेका थिए।
त्यसपछि खोजी गर्ने क्रममा अहिले गगन गौँडामा रहेको जानकारी आएको एसपी ओलियाले नेपालखबरलाई जानकारी दिए।
सिन्धुलीबाट बेपत्ता हुने यी हुन् हायु परिवारका १६ जना
पोखरा महानगरपालिका वडा नं ३० का चन्द्र भण्डारीको घरमा चारजना र सोमनाथ पौडेलको घरमा बाँकी १२ जना रहेका प्रहरीले जनाएको छ।
अहिले प्रहरी टोली त्यहाँ पुगेर ल्याउने तयारी गरिरहेको छ।
कास्की प्रहरीका अनुसार जिल्ला प्रहरी कार्यालय सिन्धुलीसँग समन्वय गरी उनीहरूको नाम रुजु गर्ने काम गरिएको छ।
प्रतिक्रिया