युनिकोड
न्याय परिषद्को बैठक आज आइतबार बस्दै छ।
न्यायाधीश नियुक्ति र सरुवाका विषयमा निर्णयविहीन भएको र एकजना न्याय परिषद्का सदस्य पनि विदेश भ्रमणमा रहेका बेला प्रधानन्यायाधीश प्रकाशमानसिंह राउतले बैठक बोलाएका हुन्।
स्रोतका अनुसार, विदेश भ्रमणमा रहेका न्याय परिषद् सदस्य दामोदर खड्काको सहमति लिएर प्रधानन्यायाधीश राउतले केही निर्णय गर्न बैठक बोलाएका हुन्।
बैठक साँझ ५ बजेपछि बस्नेछ।
प्रधानन्यायाधीश राउतले असार महिनाभित्रै ठूलो संख्यामा न्यायाधीश सरुवा गर्ने र उच्च अदालतमा केहीको नियुक्ति पनि गर्ने प्रयास गरेका थिए।
तर, सदस्यबीच कुरा नमिलेपछि लगालग बसेका बैठक निष्कर्षविहीन भएका थिए।
सदस्य खड्का साउन १३ गते मात्र स्वदेश फर्किनेछन्।
त्यस्तै कानुनमन्त्री अजय चौरसियाले पनि साउन १४ सम्म आफूलाई अध्ययनको समय चाहिने भन्दै अडान लिएका थिए।
उच्च अदालतमा हाल २ मुख्य न्यायाधीशसहित २७ न्यायाधीश पद रिक्त छन्।
प्रतिक्रिया