नारायण नदीमा पौडी खेल्ने क्रममा बेपत्ता भएका एक युवा मृत भेटिएका छन्।
चितवनको भरतपुर महानगरपालिका १ जोरकुसुम पार्कस्थित नारायणी नदीमा पौडी खेल्ने क्रममा बेपत्ता युवाको शव सशस्त्र प्रहरीको टोलीले निकालेको हो।
शनिबार नदीमा पौडी खेल्ने क्रममा भरतपुर महानगर २ क्षेत्रपुर बस्ने १८ वर्षीय सनिल लामा डुबेर बेपत्ता भएका थिए।
सो घटनाबारे जानकारी पाउनासाथै सशस्त्र प्रहरी बल नेपाल विपद् व्यवस्थापन तालिम शिक्षालय कुरिन्टारबाट सशस्त्र प्रहरी नायव निरीक्षक प्रल्हाद सिलवालको कमाण्डमा खटिएको गोताखोरसहितको एपीएफ टोलीले उनको शव नदीबाट बाहिर निकालेको हो।
प्रहरीले घटनाका सम्बन्धमा आवश्यक अनुसन्धान गरिरहेको जनाएको छ।
प्रतिक्रिया