संघीय संसद्को सचिवमा दुराको बढुवा

संघीय संसद् सचिवालयमा रिक्त रहेको सचिवालय सचिव पदमा सुरजकुमार दुराको बढुवा भएको छ।

शनिबार सभामुखको अध्यक्षतामा बसेको सचिवालय सञ्चालन तथा व्यवस्थापन समितिको बैठकले दुरालाई सचिव पदमा बढुवा गर्ने निर्णय गरेको हो।

यसअघि लोकसेवा आयोगको अध्यक्षतामा रहेको बढुवा समितिले दुई दिनअघि सुरजकुमार दुरा, मनोजकुमार गिरी र हृदयराम महर्जनलाई सचिव पदका लागि सिफारिस गरेको थियो।

सचिवालयका तत्कालीन सचिव सुदर्शन खड्काको राजीनामापछि उक्त पद खाली भएको थियो।