चीनमा कोरोनाका कारण मृत्यु भएकाको सम्झनामा तीन मिनेट मौनधारण

चीनभरका मानिसले एकैपटक शनिबार बिहान स्थानीय समयअनुसार १० बजे मौनधारण गरेर शोक प्रकट गर्दा चीन तीन मिनेट ठप्प भएको थियो।

चीनको सवारी साधन रोकिएको थियो, रेल सेवा रोकिएको थियो, हिँडिरहेका मानिसहरु, घरमै बसेका मानिसहरु एकैपटक मौन हुँदा चीन शान्त बनेको थियो।

हालसम्म कोरोना भाइरसका कारण विश्वभर ११ लाख १७ हजार ९४२ जना संक्रमित बनेका छन्।

५९ हजार २०१ को मृत्यु भइसकेको छ। कोरोनाको उत्पत्तिस्थल चीनमा हालसम्म ८१ हजार ६३९ जना बिरामी छन्। त्यहाँ ३३ सय २६ को मृत्यु भइसकेको छ। एजेन्सी