स्पेनमा कोरोना संक्रमितको संख्या लाखभन्दा बढी पुग्यो, एकैदिन ८६४ को मृत्यु

युरोपली राष्ट्र स्पेनमा कोरोना संक्रमितको संख्या एक लाखभन्दा बढी पुगेको छ।

बुधबारसम्मको तथ्यांकअनुसार स्पेनमा १ लाख २ हजार १३६ संक्रमित छन्।

गएको २४ घण्टामा स्पेनमा ८६४ ले ज्यान गुमाएको पनि त्यहाँको स्वास्थ्य मन्त्रालयले जनाएको छ।

यससँगै त्यहाँ कोरोनाका कारण मृत्यु हुनेको संख्या ९ हजार ५३ पुगेको छ।

स्पेनमा कोरोना संक्रमित र मृतक संख्या कोरोनाको उद्गमस्थल चीनमा भन्दा बढी छ।

कोरोनाले सबैभन्दा बढी प्रभावित राष्ट्रको सूचीमा भने स्पेन तेस्रो स्थानमा पर्छ। अमेरिका र इटलीपछि स्पेन कोरोनाले सबैभन्दा बढी प्रभावित क्षेत्र हो।