आवासीय चिकित्सकका पक्षमा भोलि पनि प्रदर्शन हुने

निजी तथा सरकारी मेडिकल कलेज प्रतिष्ठानका आवासीय चिकित्सकले भोलि पनि प्रदर्शन गर्ने भएका छन्। चिकित्सा शिक्षा आयोगले निर्धारण गरेको आठौँ तह (४८ हजार मासिक रुपैयाँ)को निर्वाह भत्ता माग गर्दै उनीहरु आन्दोलित छन्।

नेपाल चिकित्सक संघले आन्दोलनमा सहभागी चिकित्सकहरुलाई धन्यवाद दिँदै भोलि पनि माइतीघर मण्डलामा आएर प्रदर्शन गर्न समेत आग्रह गरेको छ। त्यस्तै उपत्यका बाहिरका चिकित्सकहरुलाई आआफ्नो जिल्ला प्रशासन कार्यालयअगाडि उपस्थित भएर धर्ना दिन आग्रह गरेको छ। 

निजी मेडिकल कलेज सञ्चालकहरुले भने आठौँ तहको निर्वाह भत्ता आवासीय चिकित्सकलाई दिन नसकिने अडान लिइरहेका छन्।