स्वास्थ्य तथा जनसंख्या मन्त्रालयले पोखरामा आजबाट कोरोना परीक्षण सुरु हुने जनाएको छ।
मन्त्रालयका प्रवक्ता विकास देवकोटाले पोखरामा कोरोना परीक्षण मेसिन (पीसीआर) जडान कार्य सकिएको बताउँदै आजैबाट परीक्षण सुरु हुने जानकारी दिए।
उनले त्यस्तो मेसिन धनगढीमा मेसिन गइसकेको, जनकपुरका लागि पठाइएको मेसिन बाटोमा रहेको र बुटवल र सुर्खेतमा जानेक्रममा रहेको बताए।
चीनबाट सरकारले आइतबार ५ वटा पीसीआर मेसिन ल्याएर प्रदेशमा बाँडेको थियो।
धरानमा यसअघि नै परीक्षण थालिसकिएको र हेटौँडामा त्यहीँ भएको मेसिनलाई प्रयोग गरिने देवकोटाले बताए।
प्रतिक्रिया