युनिकोड
कोरोना भाइरस (कोभिड १९) संक्रमणको आशंकामा एक जनालाई महाकाली अस्पताल भर्ना गरिएको छ।
भारतको बंंगलोरबाट फर्किएका शुक्लाफाँटा झलारीका ती व्यक्तिलाई उच्च ज्वरो देखिएपछि अस्पतालको आइसोलसन वार्डमा भर्ना गरिएको मेडिकल सुपरभाइजर नारद भट्टले बताए।
‘दुई दिनदेखि उच्च ज्वरो थियो, कोरोना भाइरसको आशंकामा अस्पताल ल्याएका छौँ’, उनले भने। यो संगै कोरोना भाइरसको आंशकामा महाकाली अस्पतालमा चार जना भर्ना भएका छन्।
यस अघि गड्डाचौकी नाका भएर भित्रिएका तीन जनालाई चेकजाँचका क्रममा ज्वरो उच्च देखिएपछि महाकाली अस्पताल भर्ना गरिएको थियो। उनीहरुमध्ये एक जनाको रिपोर्ट नेगेटिभ आएको छ। अन्य दुई जनाको रिर्पोट आउन बाँकी छ।
प्रतिक्रिया