युनिकोड
मास्क र सेनिटाइजरको कालोबजारी गरेको आरोपमा चार व्यापारीलाई प्रहरीले जनकपुरबाट पक्राउ गरेको छ।
कोरोना भाइरस (कोभिड १९) संक्रमणको त्रास बढिरहेको बेला मास्क र र सेनिटाइजर कालोबजारी गरिरहेको अबस्थामा उनीहरुलाई पक्राउ गरिएको प्रहरीले जनाएको छ।
मास्क कालोबजारी गरेको आरोपमा जनकपुरधाम उपमहानगरपालिका ४ स्थित सुस्मिता मेडिकलबाट सर्लाहीको बरहथवा ननगरपालिका ८ बस्ने संजय साह पक्राउ परेका छन्। उनलाई गएको बुधबार पक्राउ गरिएको प्रहरीले जनाएको छ।
यस्तै सेनिटाइजर कालोबजारी गरेको आरोपमा जनकपुरको भमरपुराचोक स्थित अटल फार्मेसीबाट धनुषाको लक्ष्मीनिया गाउँपालिका ३ का २६ वर्षीय अनिल यादव र महोत्तरीको जलेश्वर नगरपालिका ६ वस्ने वर्ष ३० का प्रभन्स चौधरीलाई शक्रबार पक्राउ गरिएको धनुषाका प्रहरी नायव उपरीक्षक रामेश्वर कार्कीले जानकारी दिए।
त्यस्तै शनिबार जनकपुर ४ स्थित सम्पूर्ण मेडिकलबाट स्थानीय ३२ वर्षीय संजय साहलाई मास्कको कालो बजारी गरि रहेको अवस्थामा पक्राउ गरिएको प्रहरीले जनाएको छ।
जिल्ला प्रशासन कार्यालय धनुषा र जिल्ला प्रहरी कार्यालय धनुषाबाट जनकपुर स्थित बजार अनुगमनको गर्न संयुक्त रुपमा खटिएको टोलीले उनीहरुलाई पक्राउ गरी थप अनुसन्धान गरिरहेको प्रहरी नायव उपरीक्षक कार्कीले बताए।
प्रतिक्रिया