युनिकोड
आज (सोमबार) राति चार प्रदेशका केही स्थानमा वर्षा तथा हिमपात हुने सम्भावना रहेको मौसम पूर्वानुमान महाशाखाले जनाएको छ।
महाशाखाका अनुसार राति गण्डकी प्रदेशका हिमाली क्षेत्रका थोरै स्थानमा हल्का हिमपात हुने सम्भावना छ भने पहाडी र तराई दुवै क्षेत्रका थोरै स्थानमा हल्का वर्षा हुन सम्भावना छ।
यस्तै आज राति लुम्बिनी प्रदेशका पनि पहाडी र तराई क्षेत्रका थोरै स्थानमा हल्का वर्षा हुने सम्भावना छ।
मौसम महाशाखाका अनुसार कर्णाली प्रदेशका हिमाली क्षेत्रका केही स्थानमा हल्का हिमपात हुने सम्भावना छ भने पहाडी क्षेत्रका केही स्थानमा हल्का वर्षा हुने सम्भावना छ।
यसैगरी राति सुदूरपश्चिमका हिमाली क्षेत्रका केही स्थानहरुमा हल्का हिमपात तथा पहाडी र तराई क्षेत्रका केही स्थानमा हल्का वर्षा हुने सम्भावना रहेकाे महाशाखाले जनाएको छ।
यसबाहेक अन्य प्रदेशमा भने राति कतै हिमपात र वर्षाको सम्भावना देखिएको छैन। कतै कतै मौसम आंशिक बदलीसम्म हुने सम्भावना महाशाखाले औँल्याएको छ।
प्रतिक्रिया