उदयपुरमा घरमा आगलागी हुँदा पाँच लाखको क्षति

उदयपुरको त्रियुगा नगरपालिका-११ स्थित हिमाली टोलको एक घरमा बुधबार मध्यराति आगलागी हुँदा पाँच लाख रुपैयाँ बराबरको धनमाल जलेर नष्ट भएको छ।
  
जिल्ला प्रहरी कार्यालयका अनुसार होमबहादुर दाहालको घरमा विद्युत् सर्ट भई आगालागी हुँदा लत्ताकपडा, सुनचाँदीलगायतका धनमाल जल्दा पाँच लाख रुपैयाँ बराबरका सामान नष्ट भएको हो। 

घरमा आगो लागेको जानकारी प्राप्त हुनासाथ त्रियुगा नगरपालिकाको दमकल प्रयोग गरी आगो निभइएको प्रहरीले जनाएको छ। आगो निभाउन प्रहरी र स्थानीय खटिएका थिए। रासस