युनिकोड
कपिलवस्तुको बुद्धभूमिमा मंगलबार बसको ठक्करबाट घाइते भएका मोटरसाइकल चालकको पनि मृत्यु भएको छ।
बुद्धभूमि नगरपालिका- २ पुरेनामा मंगलबार दिउँसो भएको दुर्घटनामा गम्भीर घाइते भएका बुद्धभूमि- ४ का मनिष थारुको उपचारको क्रममा मृत्यु भएको इलाका प्रहरी कार्यालय गोरुसिंगेका प्रहरी निरीक्षक वीरबहादुर सुनारले जानकारी दिए। थारु मोटरसाइकल चालक हुन्।
मोटरसाइकलको पछाडि सवार बुद्धभूमि- ३, घन्चौराका १८ वर्षीय पवन थापाको घटनास्थलमै मृत्यु भएको थियो।
गोरुसिंगेबाट पुरेनातर्फ जाँदै गरेको लु १ ख ९०९२ नम्बरको स्कुल बसले उत्तरबाट दक्षिणतर्फ आउँदै गरेको लु ६६ प ४८७५ नम्बरको मोटरसाइकललाई ठक्कर दिँदा घटना भएको हो।
घाइते थारुलाई उपचारको लागि चौराहा अस्पताल बुटवल लगिएको थियो। दुर्घटनापछि प्रहरीले बस चालकलाई नियन्त्रणमा लिएको छ।
प्रतिक्रिया