मेलौली नगरपालिका–९ की नौ वर्षीय बालिका सीता लुहारको चितुवको आक्रमणबाट मृत्यु भएको छ।
लुहारलाई मंगलबार बिहान चार बजे ओछ्यानमै चितुवाले आक्रमण गरी लगेको र बालिकाको शव ५०० मिटर टाढा फेला परेको जिल्ला प्रहरी कार्यालय बैतडीका प्रमुख प्रहरी नायब उपरीक्षक (डीएसपी) डिल्लीनारायण पाण्डेले बताए।
उनले पछिल्लो समय बैतडीमा चितुवाको आतंक बढेको बताए। उनका अनुसार यही फागुन २१ गते राति शिवनाथ गाउँपालिका–४ का २५ वर्षीय बालक हर्कबहादुर साउदलाई पनि चितुवाले आक्रमण गरी घाइते बनाएको थियो।
उनले २०६८ सातयता बैतडीमा २५ जनाको चितुवाले ज्यान लिइसकेको बताए।
प्रतिक्रिया