सिन्धुलीको गोलान्जोर गाउँपालिका–१ बेलटारस्थित कुडेलेबाट एउटा हाइलक्स गाडी सुनकोसी नदीमा खसेर बेपत्ता भएको छ। पूर्वबाट काठमाडौँतर्फ आउँदै गरेको नम्बर नखुलेको डबल क्याप हाइलक्स गाडी सुनकोसी नदीमा खसेर बेपत्ता भएको हो।
बेपत्ता भएको खबरपछि सशस्त्र प्रहरीको टोली खोजी कार्यका लागि खटिएको छ। सशस्त्र प्रहरी बल नेपाल विपद व्यवस्थापन बेस, खुर्कोटबाट सहायक प्रहरी निरीक्षकको कमाण्डमा गोताखोरसहितको टोली खटिएको बताइएको छ।
उक्त गाडीमा ४ जना सवार थिए। तीमध्ये १ जनाले सडकमा हाम फालेको र उनी सामान्य घाइते रहेको प्रहरीले जनाएको छ।
अहिले गोताखोरको टोलीले गाडी खोजिरहेको छ। घटनाबारे थप विवरण आउन बाँकी छ।
2.6k
Shares
प्रतिक्रिया