युनिकोड
पछिल्लो २४ घण्टामा तीन जिल्लाका एक÷एक स्थानमा धेरै भारी वर्षा भएको छ।
मौसम पूर्वानुमान महाशाखाले आज (बुधबार) बिहान ८:४२ बजे जनाएअनुसार बितेको २४ घण्टामा कञ्चनपुर, सिन्धुपाल्चोक र बैतडीमा धेरै भारी वर्षा भएको हो।
महाशाखाको विवरणअनुसार पछिल्लो २४ घण्टामा कञ्चनपुरको सुन्दरपुरमा १३०.२ मिलिमिटर, सिन्धुपाल्चोकको बाह्रबिसेमा ११४ मिलिमिटर र बैतडीको सिद्धपुरमा १०७.४ मिलिमिटर वर्षा भएको हो।
मौसमविद्का अनुसार ५० मिलिमिटरभन्दा माथिको वर्षालाई भारी तथा सय मिलिमिटरभन्दा बढीको वर्षालाई धेरै भारी वर्षा भनिन्छ।
गत २४ घण्टामा भारी वर्षा त देशका धेरै स्थानमा भएको मौसम महाशाखाको विवरणले देखाएको छ।
प्रतिक्रिया