युनिकोड
नेपाल प्रहरीले राजधानी काठमाडौँमा सवारीधनी दर्ता किताब (ब्लुबुक)मा किर्ते गर्ने केही व्यक्तिहरुको समूह सक्रिय रहेको जनाएको छ। प्रहरीले अपरिचितलाई ब्लुबुक नदिन पनि सम्बन्धित सबैलाई आग्रह गरेको छ।
वास्तविक सवारी धनीको ब्लुबुकमा आफूखुशी विवरण भरेर जाली काम गर्ने गिरोहलाई नियन्त्रणमा लिएको जनाउँदै त्यसतर्फ सचेत हुन प्रहरीले अनुरोध गरेको हो।
प्रहरीको काठमाडौँ उपत्यका अपराध अनुसन्धान कार्यालयले एक सूचना जारी गरी आफ्नो सवारी साधन र सवारी दर्ता किताब अर्कोलाई जिम्मा दिँदा सचेत रहन अनुरोध गरेको हो।
हालै ब्लुबुक किर्ते गरेर गाडी बेचेको अभियोगमा चारजनालाई पक्राउ गरेर कारबाही थालिएको जानकारी दिँदै जिल्ला प्रहरी कार्यालयका प्रहरी उपरीक्षक अङ्गुर जिसीले त्यसतर्फ सम्बन्धित सवारीधनी नै सचेत हुनुपर्ने बताए।
यही असार ३ गते बैतडीका ३८ वर्षीय वीरेन्द्रसिंह साउदलाई चाबहिलबाट दुई थान किर्ते सवारी दर्ता किताबसहित पक्राउ गरिएको थियो। रासस
प्रतिक्रिया